Tuesday, July 10, 2007

الاعترافات الكاملة ل

vampire



اسمحوا لي أقول اني محبَط جداااااا


فعلا يعني




كالمعتاد




كل الناس كان الوضع بالنسبة لهم مجرد حرامي حقير بيسرق بوستات من المداونات المقفولة و بس




و على الرغم اني حاولت كتيييير اني ألفت نظر الناس لنقط محددة مش أكتر بكل الفبركة بتاعة المداونة المضروبة دي ، و بالتعليقات على بوستات ( فضح الحرامي ) ، لكن على ما يبدو إن فعلا فعلا ماحدش بيحاول يفكر أو يدور على بدايل تانية غير المطروح قدامهم و بس




يمكن عوليس / بطريقة تعليقه / هوه الوحيد اللي كان حاسس إن المسألة فيها حاجة - و إن لم يصرح - و إنها لعبة مش أكتر






حبة ملاحظات كده ع السريع


:


1-




المداونة دي كلها بتعليقات الأنونيمس اللي فيها اتفبركت في أقل من ساعة ، فنظام المداونة يسمح باللعب في التواريخ كما تشاء ، و في صنع تاريخ حافل لك لا وجود له


_____________________________-


2


-


- كان مقصود جدااا التعليق عند زرياب ، و عند أناس أخرى ممن يعلق عندهم عوليس و يعلقون عنده باستمرار للفت الانتباه المقصود للمداونة دي و السرقة اللي ادعيتها على نفسي لمجرد اني أثبت للناس حاجة ، بالاضافة لوضعي كلمات من عند زرياب نفسه في البروفايل في البداية ، بس للأسف يظهر ان عمر ما هايكون في أمل ان الناس تستخدم عقلها شوية / على الرغم انهم و يالا أسف مداونين /




________________________________


3-




- قمت بحذف التعليقات الهجومية و التعليق بشكل عشوائي على مداونات أخرى لجذب جمهور للمداونة




و أؤكدها ثانية : ليس هناك أسهل من الانتشار في المداونات و جذب تعليقات لمداونتك - مهما كانت - ، كل ما عليك فعله هو ترك تعليق في أي مداونة تصادفك و يظهر لك من تواريخها الحديثة و التعليقات عليها أن صاحبها نشط في متابعة المداونات و من ذاك النوع الذي ( يرد الزيارة ) ، و قد يؤدي الغرض تمااما كلمات من نوعية : " مدونة رائعة " --- " أحييك " ---- " معك حق " إلخ


و قد يؤدي الغرض أحيانا أن تقتبس سطرا أو اثنين من البوست الذي تعلق عليه قائلا : " الله --- ايه العبقرية دي " أو ما شابه من الجمل


سهلة خااالص


________________________________




4-




لو لم أقم بعملية " جذب الانتباه "في البداية عند زرياب - و عند بعض الآخرين الذين لم ينتبهوا - لكان من الممكن أن أصنع( تاريخا ) له ثقله لهذه امداونة المسروقة ، و كان من الممكن التحول إلى ( مدون مبدع ) موثوق به مع الوقت / أترك البوستين السابقين فقط الخاصين بغادة سامحوني كمثال على ذلك بالتعليقات الموجودة عليه و هي تعليقات حقيقية لأناس لم يعرفوا عن الأمر شيئا / خاصة مع اختفاء الأصول و إنزلاقها تدريجيا من الأذهان

يمكنك أن تجد نسخة مخبأة من العملين هنا

:) غادة فتحت مداونتها تاني

يبقى على كده تشوفوا الأصول في مكانها الأصلي

هتلاقوا التوقيت هو الفيصل هنا

و البوست الخاص بالسعادة هنا

_____________




5-




ليس كل من يزور المداونات مدون أو متابع لما يتم نشره بالمداونات


هناك عابري السبيل الذين تظهر لهم المداونات كنتيجة من نتائج البحث


منهم من قد يثق في المداونة و يتابعها إن أعجبه شيء فيها - و الذي قد يكون مسروقا كحالتنا هنا ، و لا دليل على ذلك ، فليس هناك في نتائج البحث سوى هذي المداونة التي تعرضه - و منهم من قد يستعين بسطر أو مقطع في المداونة مقرونين باسمها ، لينكها ، و اسم صاحبها - إن وجد - أو اسمه المستعار عند القيام ببحث علمي مثلا في أي شيء / لاحظوا تعرض المداونات لشتى المواضيع / ، بل ما الذي يمنع باحثا في قسم اللغة العربية مثلا من تحليل بعض النصوص الأدبية المرتبطة بظاهرة التدوين ؟




_______________________




6-




اسمحولي أقول اني انهزمت قدامكم


و عرفت ان مافيش فايدة


اللي انهزم الانسان اللي كان عاوز يثبت حاجة و يلفت نظر الناس ليها / و همه للأسف تحت رجليهم باصين


مش الحرامي


ان كان ع الحرامي ، فصدقوني كان ممكن جدااا يكسب في رهانه ، مافيش أسهل من الكدب و لا النصب




مافيش أسهل من تغيير لينك المداونة للينك تاني


و تغيير هوية الاسم المستعار


و الانتشار جوه عالم المداونات في وقت ما عادش فيه المداونين خمسين و لا مية زي الأول




لأ -- دول آلاف و يمكن أكتر ، و لو حصل تعضيد ما بين ألف - على سبيل الفرضية الجدلية لا أكثر -ففيه آلاف تانية ما تعرفش حاجة / مافيش أكثر مرونة منه




و مافيش منقذ ساعتها غير دلائل سهلة واضحة ، تقول فين الحق و فين الباطل






________________________






أنا مسامح الأخوة اللي شتموا شتايم جامدة ، خصوصا اللي بالأم و الأب و الدين / و ربنا يسامحهم




و آسف جداااا لزرياب ، لأني أغضبته و نرفزته مع انه مش هوه المقصود بالموضوع من الأصل / كنت مجرد وسيلة للفت الانتباه مش أكتر




____________________




وداعا للأبد


و سايب التعليقات كل اللي نفسه في حاجة يقولها


و اللي هايشتم حتى ، مافيش مشكلة


عليه وزره

18 comments:

محمود عزت said...

ياعني أنا عايز أفهم نقطة بسيطة !
إيه حضرتك هو الهدف من هذه التجربة العظيمة دي..
اللي بتحاول تثبته ده معروف جدا , أي حد ممكن يعمل شوية ألابندا و تبقى مدونته عليها إقبال عن طريق إنه يبقى ودود و مجامل
و أي حد ممكن يسرق أي حد من غير ما أي حد يلاحظ
مش على النت بس
في الحقيقة كمان و بتحصل
يعني إيه الجديد في اللي حاولت تعمله ؟
ده غير أصلا لإنك بتقول اللي بيهدم أصل تجربتك !!
إن فعلا فيه جماهير غفيرة شتمتك و قالت لك إنت حرامي
أمال عايزهم يقولوا إيه ؟
حيعرفوا منين أهداف تجربتك الهامة دي ؟
يعني لو بتتكلم عن حكاية صنع تاريخ من فراغ
فأنا لقيت جماهير على الفايس بوك بتنوّه عن مدونة حرامي المدونات
ده غير الإيميلات و البوست اللي لسه قاريه من دقيقة في مدونة
يعني يمكن ده يقولك إن صنع تاريخ وهمي ده شئ فاشل و بينكشف بالرغم إنك كان ممكن تعمله بذكاء أكتر و أكيد مش حقولك إزاي :))

سلامـــــــــــــه said...


انا برضه مش فاهم يعني ايه الهدف النبيل اللي انت قصدته؟
بس ايا كان الهدف فطريقه وصولك ليه اعتقد انه مش نبيل ابدا
استحاله اصدق انك جاي تسرق بيتي علشان تثبتلي ان كان لازم اخد بالي ومتطمنش للبشر اليومين دول
فعلا هدفك نبيل جدا.. بس وسيله الوصول للهدف ده في غايه القذاره
اتمني انك تكون فاهمني
.................
انا فعلا لاحظت من خلال تعليقاتك عندي وعند غيري انك انسان مثقف
وانك تقدر ترتب افكارك كويس جدا
وده اللي خلاني استغرب جدا جدا للي بيحصل ده
وايا كان هدفك اللي انت بتقول عليه اعلنها صريحه انني لن اقبل طريقه وصولك لهذا الهدف المجهول
والغريب انك لم تعلن عنه حتي الان
رغم انه من المفترض ان بوستك الاخير هو لحظه التنوير والكشف عن الحقيقه المفقوده
والمفترض طبقا لواقع الروايات اننا بعده سنبكي بحرقه ونعلن اننا ظلمناك بكل قسوة ووحشيه
وننشر في مدوناتنا اعتذار رسمي لجنابك ونحن نعض بنان الندم علي تلك القسوة وسؤ النيه
اعزرني يا عزيزي
انني لن اقبل اعتذارك
وان كان ارضاني - بعض الشيء- اعترافك بالهزيمه
................
عزيزي مصاص الدماء
اعتقد اننا لن نلتقي ثانيا في فضاء التدوين الرحب
وان التقينا فلن نلتقي بهذا الاسم البغيض
واعتقد ايضا انك مدون او في سبيلك للتدوين
ولذلك فانني ارغب - حقا - في معرفتك بمدونتك الجديدة , حتي وان لم اعرف انك مصاص الدماء البغيض
.................
عزيزي
دمت بود يشوبه بعض التحفظ

كرانيش said...

انا حاسه انى عاوزه اعيط



زى اللمبى

عوليس said...

أدرك تماما أهدافك النبيله ولكن لأن لدى الكثير من الاعتراضات عليها كان يجب ألعب معاك شويه لحد ماتسيب اللعبه اللى فى ايدك
نتكلم عن الاعتراضات:اولا ليست هذه طريقه لاجبار كاتب على الاحتفاظ بكتابه هو غير راضى عنها
من حقى ككاتب اشد الستاره عن فتره وابدا العب فى مناطق جديده طالما أن أنا أدرك تماما ان مساحة التدوين بالنسبه ليا ليست الا تمارين كتابيه
مجرد تمارين كتابه وانا مش عايز منها شىء تانى لانها ببساطه مش كتاب فى السوق وانا داخل العالم التدوينى على انه تمرين كتابه
ثانيا :من حقك كقارىء انك تحتفظ باللى يعجبك من النصوص عندك وتعيد قراءتها براحتك لكن مش بالاسلوب ده تلوى دراعى عشان افضل معلق فى المدونه حاجات انا مش راضى عنها دلوقتى مثلا
من البدايه وانا مقتنع بان هذا هدفك وكنت شايفه هدف جميل بس كان لازم نلعب معاك شويه زى مانت لعبت
دمت بود ومحبه

ألِف said...
This comment has been removed by the author.
ألِف said...

طيب و أنت زعلان ليه طالما الموضوع كان تجربة!

أنت عملت تجربة و النتائج أثبتت خطأ بعض الافتراضات:
-أنك ممكن تنتحل تاريخ نشر طويل مزيف
-أنك ممكن تتحول إلى مدون موثوق بسهولة
-أن ما فيش حد متابع و بقدر يميز السرقة

الوصول بعد التجربة إلى نتائج عكس الافتراضات المبدئية ليس معناه فشل التجربة ما دمنا عرفنا حاجة جديدة :)

و في نفس الوقت أثبتت صحة فروض:
-أن التعليق عند الناس ممكن يزيد من انتشار مدونتك

و أكدت ملاحظة:
-أن في ناس بتعلق بأي كلام أهبل - قلته أحسن - أو حى تستجدي الزيارة لمدوناتهم.

الشتيمة كانت جزء من التجربة، تقدر تسميه "رد فعل المبحوثين" :)

AZ said...

هو بس احب اقول حاجه مهم
بلوج يعني مدونه مش مداونه

Anonymous said...

ابن وسخة فعلا

Anonymous said...

اهبل وابن شرمطة واهبل وفى نفس الوقت حرامى يا كس امك

Anonymous said...

تجربة عبيطة يا ابن العبيطة

Unknown said...

هو انا فهمت حاجة ومش عارفة اذا كانت صح او غلط


هو انت سرقت الناس دي عشان تحسسهم بقيمة كتابتهم بعد ما اتخلصوا منها وقفلوا مدوناتهم يعني


ولاقصدك تتفه فكرة التدوين بعد ما بقت واسعة الانتشار
وزي ما بيقولوا لمت ؟؟؟؟؟


انت كنت عاوز ايه بالظبط ؟؟؟!!!

vetrinary said...

والله صعبت عليا بجد
يا عم اسرق براحتك
هوا الكلام والافكار ملك حد
قال ملكيه فكريه قال
يعنى بيت الشعر اللى بيقول
قفا بنا نبك
خلاص لو كتبته من غير ما اكتب بتاع مين ابقى انا كده حرامى
طب بجد يا جدعان
اللى يسرق بوست
يطبق عليه الحد
ونقطع ايديه

ايــــــــــــــــــوب said...

الاول اسمحلى انى استعمل لفظة " مداونة "اللى انت استخدمتها بدل " مدونة " على سبيل التغيير ليس اكثر لانى تقريبا زهقت
اسمحلى اقولك انى مش قادر افهم الدوافع اللى انت عاوز تقولها ، وعلشان احنا مش فى محكمة وكمان انا مش ميال للمنهج التبريرى الاستنباطى الخاص بك، يبقى سيبك من حدوته النوايا
السؤال الأهم هنا
ليه مداون يبحث عن مجد وتاريخ عن طريق مداونته ؟؟؟
وهل لا ينجح مداون فى صناعة مجده التدوانى الا بافتعال تعليقات هنا وهناك ؟؟؟
بص ... ممكن اقولك راى بسيط فى الحكاية دى ... المداونات زيها زي اى حاجه فى اول استخدامها بيبقى ليها مذاق خاص ، بعد كدا بيبتدى يقل مع تنامى شعور ممكن نسميه التعود او الاعتياد او اى مشتق لغوى اخر تراه صحيح من كلمة عادة
لذة البوستات الاولى .. التعليقات الاولى ... وطبعا المداونات الاولى ، شوية شوية بيبقى الموضوع مختلف ، وتعليقات زى رائع وجميل وازيكم ازيكم انا جاى اعلق عندكم ، بتختفى ، او بتبقى عديمة القيمة ولا يلقى لها بال
المسأله الاهم فى رأيي .. المداون مننا بيكتب لمين ؟؟؟
لنفسه ؟؟
ولا لحد تانى ؟؟
لو تحب تاخد رأيى ... اكتب لنفسك فقط
=======
تبقى عبقرية الموضوع فى لفظة " مداونة " ... صدقنى لفظه عبقرية احسن من مدوَنة اللى عليها شدة على الواو بتخلى اللى بيتكلم يحرك عضلات غريبة فى وشة وتخلى اللى بيسمع يهرش فى فروة دماغه، واستعمال الالف فى وسط الكلمة بيخليها اقرب للسان والذوق والفهم المصرى ، زى مزاوله ومناهده ، ومعانده، ومكابره وكدا يعنى

نادى الاخبار said...

موضوع جميل جدا
شكرا لك

العاب النادي said...

يعطيك العافية

العاب said...

well done

العاب said...

well done

العاب فلاش said...

well done